Post Detail

夏天運動熱點 | 銅鑼灣Midtown

by LeeHenry
13 Aug 2021

夏天運動熱點 | 銅鑼灣Midtown

做運動固然身體健康，仲有助血液循環，加速新陳代謝，但係作為一個都市人，每日都返9放6，做完嘢已經攰到無曬心機做運動，就算係星期六日或者假期都唔會想郁動，淨係想休息下。久而久之，就有唔少人因為生活太忙，缺乏運動，引致都市病，好似話抑鬱、肥胖、痛風等等嘅生活模式病。而其中一個解決方法就梗係做運動啦！

因為太忙所以去唔到？但無夏天不知不覺就已經過咗一半，當然要捉緊夏天嘅尾巴啦！而係CWB返工嘅朋友就有福啦～Fittpub就提供咗最專業同優質嘅健身設施同教練，只要跟住教練嘅指導，唔夠半年你就會擁有人人都想擁有嘅fit爆body啦！覺得單係做GYM好悶？只練肌肉會令筋骨生硬、身形唔smooth？唔洗驚～Russ Dance Factory幫到你，RDF係一間健身舞蹈嘅舞蹈中心，一路跳舞一路健身，咁就無咁悶啦！

返工已經咁大壓力，所以我地更加唔應該視做運動為任務，反而係當做消閑活動，俾自己個腦放鬆下，咁樣無論係身定係心都會健康啲！其實Fittpub同一般傳統連鎖式大型健身房唔同，佢地揉合咗健身同消閒酒吧於一室，做運動之前飲返少少酒，chill下，亦都令身體精神同活躍啲，咁樣就更有效率啦~ 加上Fittpub位於大廈嘅28樓，居高臨下。全玻璃幕牆透視繁華嘅香港，一路跑住步，一路遠望住維港兩岸景色，簡直係視覺上嘅享受。

佢地全層總面積更加超過7,000呎，器械設備又新又齊，運動空間嘅私密度亦都大大提升。而係課程方面，佢地嘅私人教練團隊都有專業資格同經驗豐富，細心可靠，所有課程都會按住學員嘅需要而度身訂製，令大家享受運動嘅喜悅，同時得到安全、有效、快速嘅健體修身效果。係咁優閒、舒適同時尚嘅環境下做運動，一定可以卸下繁囂營役嘅生活壓力，盡享貼心私密嘅運動空間，重拾身心平衡嘅感覺。所以經常係CWB出沒或者返工嘅朋友仔可以去Fittpub做下gym~

精選店舖： FITT PUB

地址：香港銅鑼灣登龍街1-29號金朝陽中心二期Midtown28樓

電話： 6688 9191

而厭做gym悶嘅朋友亦可以試下Russ Dance Factory嘅健身舞蹈課程。佢同一般健身唔同，因爲Russ Dance Factory加入埋舞蹈嘅元素係健身裏面，依個方式健身相對就比較有趣同輕鬆。Russ 擁有超過20 年教導健身舞蹈經驗，而所有 Russ Dance Factory 嘅導師全都都係經過Russ精心挑選，嚟自不同範疇、背景同國籍嘅精英。佢地嘅導師仲會引導大家係歡樂嘅氣氛下輕鬆咁做運動。如果想成個身形smooth啲，又或者係唔想淨係健身擧鐡咁死板，咁不如就試下健身舞蹈啦！唔肯定自己鍾唔鍾意嘅仲可以用港幣$110試堂，確保自己係鍾意先參加都未遲！

之前Russ Dance Factory仲同Soundwill Club 合作，係Midtown會舉辦暑假跳舞興趣班添，咁多位Daddy Mommy一放工就可以同小朋友去玩，真係無得輸！記住記住記住就係我地應該要視做運動為享受同消閑活動，而唔係為做而做啊~

精選店舖：Russ Dance Factory

地址：香港銅鑼灣登龍街1-29號金朝陽中心二期Midtown7樓

電話： 2976 0182

希望依兩間健身店可以激起大家做運動嘅決心啦~記住要持之以恆先有用嫁！

2021, FITT Pub, Russ Dance Factory, Soundwill II Midtown, 分享, 推介, 銅鑼灣, 銅鑼灣好去處

Related Posts