Post Detail

2021潮流髮型 | 銅鑼灣好去處 | Midtown

by LeeHenry
08 Jul 2021

2021潮流髮型 | 銅鑼灣好去處 | Midtown

熱辣辣嘅夏天又嚟啦，又係時候轉下新髮型示人~🤣

但係髮型潮流不斷變，唔太留意住依家嘅Fashion trend，就會好容易落伍！如果大家都對於今期轉咩髮型好有疑惑嘅話，就等小編話俾你知2021嘅「今期流行」😎帶你Follow返今期嘅流行髮型，等你企係潮流嘅尖端啦！

先介紹女生嘅發型，今年2021年嘅春夏潮流髮型係以「短」為潮流嘅趨勢，以往女生嘅髮型潮流都係以長髮為指標，用飄逸嘅長髮凸顯女性嘅真、善、美，所以同以往嘅潮流髮型都有所唔同。

而今年嘅大熱女生潮流髮型之一就係耳下肩上中短髮，好多亞洲女明星都追貼住依個Fashion，令中短髮牽起今期熱潮，好似台灣嘅楊丞琳、韓國嘅林秀香等等！

其實耳下肩上嘅中短髮早係2020年嘅下半年已經興緊，呢種Style俾普通嘅中短髮再短少少，令成個髮型多咗份清爽明朗嘅感覺，脫去短髮俾人「村姑」嘅感覺。除左髮型之外，其實仲要配合埋今年流行嘅外深內淺髮色，即係「耳圈染」，即係將挑染的色彩染係內層，當撩髮，或者髮絲勾耳後嘅時候，就會營造髮色嘅層次感，看似低調但藏住小心機，咁就會俾傳統嘅染髮更加特別啦，最重要係呢個髮型基本上任何頭型嘅女生都carry得起。

講完女生，就講2021年嘅流行男生髮型啦——漸層削邊髮型，其實即係將兩側嘅頭髮剷短，由下而上咁做出漸層嘅效果，營造出清爽俐落嘅感覺，但同時保留頂部嘅毛髮，再配合簡單嘅造型，例如：Undercut、法式瀏海、飛機頭等等，而留得較長嘅頭髮更加可以整油頭，有多種選擇可以揀。咁樣嘅話視覺上可以好明顯睇得出三層嘅層次，整體俾人嘅感覺唔單止簡潔俐落，仲有一份嬉皮同時尚感。

依個頭較適合圓臉同方臉嘅男士，因為係太陽穴、耳仔上面嘅部分會露出較多嘅皮膚，咁就會做出視覺上臉型向後嘅延伸，可以修飾同修長方型臉同圓形臉，亦都因為俐落嘅髮型，令頸同耳仔後呈現乾淨嘅狀態。而係髮色方面，男士不妨嘗試瀏海局部挑染，揀一隻同頭髮底色唔一樣嘅顔色，就例如鮮明啲嘅金色、淺灰色、金啡色等，然後係瀏海嘅部位局部染色，咁就令髮型更有立體感、亦令層次分明，更顯時尚有型，就連吳亦凡、GD、周湯豪等嘅紅人都染過！小編想將瀏海局部挑染推薦俾鍾意特別但又不想太高調嘅型男。

睇完今期流行嘅髮型之後，都唔知道剪乜嘢髮型好？咁就嚟位於銅鑼灣Midtown Kimrobinson Salon啦！ Kimrobinson Salon旗下每一位髮型師都由國際頂級髮型名師Kim Robinson親自指導，力求為顧客提供高質的頭髮護理和造型，為客人以最佳造型示人，當客人無論去到邊度，都成為全場嘅焦點！仲唔快啲嚟Kimrobinson Salon，度身定做你個人2021年嘅最夯嘅髮型啦！

......................................................

Kimrobinson Salon Midtown

地址: 銅鑼灣登龍街1號金朝陽中心2期Midtown 地下

電話: 2121 0118

......................................................

#soundwillclub優惠大放送 #midtown #soundwillclub #soundwill #SoundwillClub會員 #金朝陽 #銅鑼灣 #銅鑼灣美食 #causewaybay #著數 #免費 #jetso #禮券 #限時優惠 #Shopping #行街 #食嘢 #買嘢 #美容 #瘦身 #健美 #消閑 #美食 #打卡 #美髮 #kimrobinson #髮廊

......................................................

🛎 登記為Soundwill Club會員，即獲積分50分(高達$40,000消費總值)

💬 獲最update優惠，立即訂閱 👉🏻https://cutt.ly/9zU2zOT

2021, Blog&News, Kimrobinson Salon, KR+, Soundwill II Midtown, 優惠, 心得, 推介, 銅鑼灣

Related Posts