文章

展覽一浪接一浪，書展完咗就到動漫展，之後就到工展會，再之後就到美食節，哇！真係好多節目啊！每到暑假，會展就會人山人海，成個七、八月，基本上每日都好似搞緊event，真係唔怕悶啊~ 你以為已經無哂展覽？

少年你太年輕啦！ 其實每個暑假尾，仲有電腦節啊！大家預備好腳骨力未啊？今年嘅電腦節將係聽日8月20號起，一連4日會展舉行，又係時候出發啦~

等等先！今年電腦節有咩筍野買先？只要下載咗「電腦節 club」嘅手機app，再成為會員，就可以參加抽獎，中籤者仲可以參與埋「激安大購賞」同埋額外獲得$100現金劵（名額 300個）。而且每位購票入場人士，都會獲發一張幸運卡，面值分別係$10至$500不等。大家仲可以係已安裝電子支付嘅商店用政府嘅電子消費卷，有啲仲有額外優惠添呀~

行完一大輪，買左一大堆戰利品，想係攞返屋企之前食啲嘢先？想去近近地又好選擇嘅，就一定係去銅鑼灣嘅Midtown啦~

行到咁攰，緊係想搵個地方坐耐啲，不如就去101手工涮涮鍋到食個火鍋啦，又可以醫下肚，又可以坐耐啲，真係一擧兩得。依間臺灣火鍋店嘅性價比好高，都好化算，而且仲有多款食材可以選擇，而101係以套餐嘅形式比食客們選擇，有好多唔同嘅海鮮同肉類選擇。除此之外，連飲品都有超過20款比大家揀。而最受食客歡迎就一定係佢地嘅午市一人小火鍋套餐，一個湯底、三款餸同一款麫，仲包埋一杯野飲，都只係$58咋。而重點就係101手工涮涮鍋可以望到維港景色，仲另設露台企位，一邊食住火鍋一邊望住個靚景，非常之有情調。所以好適合行完電腦展嘅大家~

精選餐廳：101手工刷刷鍋

地址：銅鑼灣登龍街1-29號金朝陽中心2期29樓

電話：5122 1883

如果想拿拿臨食個午餐醫肚之後返屋企，就可以食三田製麵所。係三田裏面，除咗可以食到日本傳統味道嘅拉麵，仲可以食到係香港好少機會食到嘅沾麵。而重點係三田製麵所出名製作時間短，落單後唔需要等好耐，食物就已經係你面前。而且，呢度嘅麵有大、中、細size，而且係同價，再大食啲可以加錢食特大，唔怕會唔夠飽~

最近三田推出咗全新濃香背脂大蒜拉麵，裏面嘅仲係增量厚切特製腩肉，增量厚切特製腩肉，更厚、更香！大家不妨試下依個新口味嘅口味啦！大家仲可以試下用日本傳統方法，同「吸」嘅形式，將麵吸入嘴裡面，因為可以同時品嚐到麵同湯汁，食起黎更加好味！

精選餐廳: 三田製麵所

地址: 銅羅灣登龍街25-29...

做運動固然身體健康，仲有助血液循環，加速新陳代謝，但係作為一個都市人 ，每日都返9放6，做完嘢已經攰到無曬心機做運動，就算係星期六日或者假期都唔會想郁動，淨係想休息下。久而久之，就有唔少人因為生活太忙，缺乏運動，引致都市病，好似話抑鬱、肥胖、痛風等等嘅生活模式病。而其中一個解決方法就梗係做運動啦！

因為太忙所以去唔到？但無夏天不知不覺就已經過咗一半，當然要捉緊夏天嘅尾巴啦！而係CWB返工嘅朋友就有福啦～Fittpub就提供咗最專業同優質嘅健身設施同教練，只要跟住教練嘅指導，唔夠半年你就會擁有人人都想擁有嘅fit爆body啦！覺得單係做GYM好悶？只練肌肉會令筋骨生硬、身形唔smooth？唔洗驚～Russ Dance Factory幫到你，RDF係一間健身舞蹈嘅舞蹈中心，一路跳舞一路健身，咁就無咁悶啦！

返工已經咁大壓力，所以我地更加唔應該視做運動為任務，反而係當做消閑活動，俾自己個腦放鬆下，咁樣無論係身定係心都會健康啲！其實Fittpub同一般傳統連鎖式大型健身房唔同，佢地揉合咗健身同消閒酒吧於一室，做運動之前飲返少少酒，chill下，亦都令身體精神同活躍啲，咁樣就更有效率啦~ 加上Fittpub位於大廈嘅28樓，居高臨下。全玻璃幕牆透視繁華嘅香港，一路跑住步，一路遠望住維港兩岸景色，簡直係視覺上嘅享受。

佢地全層總面積更加超過7,000呎，器械設備又新又齊，運動空間嘅私密度亦都大大提升。而係課程方面，佢地嘅私人教練團隊都有專業資格同經驗豐富，細心可靠，所有課程都會按住學員嘅需要而度身訂製，令大家享受運動嘅喜悅，同時得到安全、有效、快速嘅健體修身效果。係咁優閒、舒適同時尚嘅環境下做運動，一定可以卸下繁囂營役嘅生活壓力，盡享貼心私密嘅運動空間，重拾身心平衡嘅感覺。所以經常係CWB出沒或者返工嘅朋友仔可以去Fittpub做下gym~

精選店舖： FITT PUB

地址： 香港銅鑼灣登龍街1-29號金朝陽中心二期Midtown28樓

電話： 6688 9191

而厭做gym悶嘅朋友亦可以試下Russ Dance Factory嘅健身舞蹈課程。佢同一般健身唔同，因爲Russ Dance Factory加入埋舞蹈嘅元素係健身裏面，依個方式健身相對就比較有趣同輕鬆。Russ 擁有超過20 年教導健身舞蹈經驗，而所有 Russ Dance Factory 嘅導師全都都係經過Russ精心挑選，嚟自不同範疇、背景同國籍嘅精英。佢地嘅導師仲會引導大家係歡樂嘅氣氛下輕鬆咁做運動。如果想成個身形smooth啲，又或者係唔想淨係健身擧鐡咁死板，咁不如就試下健身舞蹈啦！唔肯定自己鍾唔鍾意嘅仲可以用港幣$110試堂，確保自己係鍾意先參加都未遲！

之前Russ Dance...

唔知大家係依個暑假忙緊追咩劇呢，除左前排大熱嘅Anson Lo同Edan Lui嘅「大叔的愛」，其實香港本地都仲有好多好片睇，無論係微電影、劇集、劇情片......係依個年代已經唔一定要開電視睇都可以睇到好片，越來越多人選擇上載自己拍嘅影片係Youtube依個平台，希望可以比唔同嘅人欣賞到。

如果話同「大叔的愛」同期係YouTube大熱嘅片，相信會係香港一大Youtuber「熊仔頭」所拍嘅「暗戀」電影，到依家依段片已經有374K觀看次數，當中仲請左重量級嘉賓—— 張敬謙，客串兼唱主題曲「重新開始」，真係好驚喜啊，絕對值得一睇。

不過有時有啲嘢無得重新開始，就好似我地嘅皮膚咁，如果唔好好定期保養，就真係無得返轉頭嫁啦~ 咁不如就趁住依個夏天好好保養，市面上咁多美容中心，究竟去邊間好呢？ 唔洗擔心~ 小編我有好介紹！

今次想介紹嘅好野就係G2 Beauty Group時尚美容集團啦~ 年幾兩年嘅疫情令到我地嘅皮膚都無好好休息過，濕熱嘅夏天再加上長期帶住口罩，令到塊臉油淋淋，肌膚水油失衡，啲毛孔仲好似塞住哂添。

G2 Beauty有見及此，都搞緊個至筍優惠比大家，新顧客可以體驗單次$99或者一次性$999 購買做10次facial療程，仲聲稱絕無額外收費，咁大家就可以舒舒服服咁做下facial，回復細緻彈滑零油光。

依家夏天，日日都咁熱，最好不過就係趁住假期去下海灘游水、吹風，一來可以消暑，二來仲可以relax下，但著Bikini露咁多肉，啲小毛毛仲會突哂出黎，真喺好好好尷尬......G2 Beauty今個夏日都搞緊個限定嘅8選1小部位永久脫毛優惠， 一定幫到大家解決小毛毛嘅煩惱。 而且G2 beauty 採用半導體專利冷點激光脫毛技術， 脫毛過程無痛又唔傷皮膚， 經過適當既護理後，令皮膚白滑精緻返曬~ 咁就可以放心去沙灘啦！

精選商店：G2 Beauty Group時尚美容集團

上年有一套日本動畫瘋魔全球，瞬間全球人民嘅飯後話題都變左依套卡通動漫嘅劇情，就係「鬼滅之刃」啦，相信大家無睇過都有聽過。「鬼滅之刃  無限列車篇」嘅劇場版，係日本上映後嘅十日內已經突破100億日元票房，驚人嘅聲勢銳不可擋，唔單止刷新左日本影史紀錄，更加打敗左「千與千尋」，成為日本票房嘅No. 1。嚟緊10月更加會上映第2季，真係人氣極強！係等第2季之前嘅一段時間，可以聽下歌手LiSA為「鬼滅之刃」唱嘅主題曲——「炎」，即使去唔到日本，都可以聽住首主題曲，係香港食住日本餐廳咁回味，但有邊間純正嘅日本野好推介呢？就係浪.居酒屋同大戶屋啦！

就等我介紹Nami 浪.居酒屋先啦~ Nami係一間食日本料理嘅餐廳，為咗能夠俾食客品嘗到最高質素嘅食物，佢地請咗極為出色同專業嘅日本廚師為餐廳烹調多種日本正宗美食，等大家係香港都可以食得到道地嘅日本菜。Nami請來嘅日本廚師，對於食物嘅出品都抱住認真嘅態度，高質量嘅要求同指標，仲要加入日本當代元素，將深受熱捧嘅經典日本居酒屋菜式，進行重新演繹！為此打造出，充滿濃厚地道風味嘅新穎日式料理！

係浪.居酒屋嘅菜單裏面，淨係小食都已經有成33款俾大家揀，仲有近20款嘅串燒，你想食咩肉、咩部位，佢都一應俱全！一於約齊朋友，去浪‧居酒屋試試啦！

浪‧居酒屋

地址：銅鑼灣登龍街1-29號金朝陽中心2期Midtown 1樓

近期好受大家喜愛嘅「大叔的愛」真係大紅大紫，甚至衝咗出國際……連行近街嘅時候都會聽到身邊嘅人討論緊依套劇嘅劇情，所以就算無睇過Viu TV嘅「大叔的愛」，都一定有聽過依個劇名，都一定知道阿牧係邊個～ Mirror十二子當中嘅Anson Lo（又稱教主），作為主角之一當然都係大熱啦！

係依套劇一開播嘅時候，Anson Lo Instagram嘅粉絲人數仲以倍數上升，甚至超越姜濤。當越嚟越多人留意Anson Lo嘅時候，同時佢所演繹嘅「大叔的愛」片尾曲——《不可愛教主》都同樣大受信徒歡迎，基本上係任何一個廣告都見到教主嘅蹤影， 真係好想見佢本人啊！！

為見一面唯有跟住佢地去event啦，不過又要做嘢，又要見教主，保養少啲都唔得......講到保養，小編我就有好介紹啦！

首先，想要好嘅皮膚絕對唔可以懶，但有時返完工，放工返屋企都已經好攰,仲邊有力氣打理塊面...... 所以小編為大家推介Musee Medical Beauty Centre！

為咗令客戶有最優質嘅服務，Musee Medical Beauty Centre對客戶定下咗五大承諾：提供專業，清晰的免費諮詢、沒有任何附加費、絶不硬銷任何療程、正牌貨品，信心保證，同埋醫生主理針藥療程，咁大家就可以放心去佢地到做treatment啦~

Musee Medical Beauty Centre嘅皇牌療程就係佢地最出名嘅全方位塑顏美肌，依個package比大家按住自己嘅面部狀況，係total六個treatment裏面選擇其中兩個，要保濕有保濕，要修護有修護，仲有提升彈性、面部提拉、改善黑眼圈、毛孔...... 應有盡有，而依個皇牌療程都只係 $888，以依個價錢做兩個面部護理療程，會晤會太抵啊？！

再加上宜家我地Soundwill Club仲搞緊優惠，只要去我地嘅Online Shop 就可以以 $70 買Musee Medical Beauty Centre嘅 $100 電子禮卷，而每次用禮卷嘅數目都唔限，咁嘅話都慳咗唔少錢嫁！ 如果大家都想以最靚嘅一面見教主，又想懶住咁扮靚，咁不如就係我地嘅網站買Musee Medical...

行街又落雨，唔通連個天都唔鐘意我？依句對白真係不論老少都一定聽過，真係經典金句，不過事實就係落雨真係無嘢咩好怕喎！依句話就真係講得好啱啦，落雨的確係好唔方便，但係其實反而係比機會你行完街去做下Facial。香港嘅天氣又濕又熱，再加上係疫情期間，日日都係俾個口罩焗住塊面，唔少人都因爲咁而令到塊面生曬粒粒，照鏡都咪話唔嚇人啊！其實無論係男係女都好需要定期護理肌膚，如果做完個treatment都未落完雨，就不如欣賞下維港兩岸落雨嘅美境，發掘一下香港嘅「美」，或者係去埋樓上嘅天然護理嘅店鋪買下野，瞭解更多關於皮膚嘅奧妙啦~

睇緊依篇文嘅大家就有福啦，因爲我地要為大家推介一個時尚美容集團好抵做嘅treatment！濕熱嘅夏天加上長期帶住口罩，令塊臉油淋淋，肌膚嘅水油失衡，仲會搞到啲毛孔塞住哂添啊！如果想係落雨天舒舒服服做下facia，不妨就去G2 Beauty Group試下佢地嘅服務，幫你逼細毛孔，令肌膚回復細緻彈滑零油光，仲有保濕精華幫你呵護返肌膚。除左面部護理，仲有包含眼、頸、body等15項護理療程,任你自由選擇！而且新顧客體驗價單次都只係$99 ，或者可以一次過俾$999 購買10次facial 療程,仲會送你價值$1,280既 LouisBernard骨膠原超濃縮保濕精華1盒。而最重要嘅係佢地表明自己絕無額外收費，咁大家就唔需要驚上到去後會俾佢地sell treatment啦！

精選店鋪： G2 Beauty Group 時尚美容集團

地址： 銅鑼灣登龍街1號金朝陽中心2期19樓C室

電話： 2891 7775

如果做完Facial，仲可以去埋同一棟大廈上一層嘅Young Living Hong Kong買佢地最出名嘅優質天然精油，而係7月，佢地仲有一連串優惠同獎賞，各位新加入YL大家庭嘅成員都可以喺2021年7月1號至31號期間，透過購買高級入門/體驗套裝入會，同時加入基本獎勵計劃嘅新會員，仲可以獲得羅勒精油調味料5ml一枝！今個月新會員獎賞嘅覆蓋範圍更加新增咗BLOOM、盜賊同埋寧夏紅3款高級體驗/入門套裝，為各位新朋友提供更多開展YL健康生活嘅選擇。佢地有好多唔同面部同身體護理產品，不如就上埋去睇下有無適合自己皮膚狀況嘅產品啦~

精選店鋪： Young Living Hong Kong

地址： 銅鑼灣登龍街1號金朝陽中心2期20樓全層

電話： 2897 5600

夏天又落雨落得咁密，如果唔想係條街到淋雨，不妨就去以上兩間推介嘅皮膚護理嘅店鋪，滋潤同清潔一下皮膚啦！