帖子詳細

動漫展後食好西 | 銅鑼灣好去處 | Midtown

由 LeeHenry
20 Jul 2021

動漫展後食好西 | 銅鑼灣好去處 | Midtown

今次嘅疫情打亂左唔少人嘅時間表，一啲年年舉辦眾所周知嘅活動好多都延遲同取消咗。而最近疫情好轉左，終於都可以舉辦返活動啦！今年2021年嘅動漫節由聽日開始，至7月26日將如期進行，對一班動漫迷嚟講真係一個好消息，終於唔洗擔心今年嘅動漫節會被取消！上年因為疫情，先唔好講動漫節，就算係平時都避免外出以免一晤好彩「中招」。而最近確診數都保持為0，相信今年可以大動漫節可以同過往一樣熱鬧。而每年舉辦地點的會展會場，又大又多層數，要行曬咁多個展館真係會累死人！

想係行完動漫節食好西休息下？小編就為你推介兩間值得嘗試嘅餐廳，比各位動漫迷參觀完動漫展去填飽個肚啦！兩間餐廳都係位於銅鑼灣登龍街嘅Midtown，由灣仔會展搭車到Midtown都十分鐘都唔洗，極度方便！

第一間要推介嘅餐廳，就係Blue Mount啦！Blue Mount係一間設立係25樓嘅空中咖啡廳，同一般嘅咖啡廳唔同，Blue Mount除左一般嘅咖啡，仲有可以品嚐超獨特到高級燕窩咖啡，簡直就係行完動漫節之後嘅享受！仲有仲有，一眾動漫迷仲可以係Blue Mount試到西班牙頂級伊比利亞火腿，同美味嘅潮州美食。佢地仲有特別造型嘅點心，例如：豬仔造型嘅豬肉包丶天鵝造型芋頭糕點等等。Blue Mount結合咗最好嘅原料、風味同埋文化，創造出創新而獨特嘅咖啡同美食，令大家食過飲過返尋味~ 一邊嘆住杯咖啡，一邊食住風乾火腿，仲配有維多利亞港同城市俯瞰景觀，直情就係奢華同獨特的結合～

Blue Mount最近仲推出咗咖啡買一送一外賣優惠，12款咖啡口味比大家揀，唔怕唔啱口味。動漫迷仲可以係去完動漫節後同朋友買杯咖啡，一路飲一路沿住海邊傾下動漫經添！

精選餐廳：Blue Mount

地址：銅鑼灣登龍街1-29號金朝陽中心2期Midtown 25樓

電話：2448 1288

而去完動漫展，睇完咁多關於日本動漫嘅模型、海報、影片......如果咁都唔懷念以前去日本行完秋葉原，身心疲倦咁求其走入一間日本地道嘅料理餐廳食野，順便俾隻腳抖下嘅時光，就係因為太耐無去已經唔記得咗！所以小編我第二間想推介嘅，就係華小料理屋 Hana啦！

華小料理屋 Hana呢一間日本料理餐廳，主打壽喜燒、Shabu Shabu 同日式串燒，想食乜就食乜，尤其係鍾意食牛肉，鍾情於日本料理嘅大家絕對有口福！Hana係疫情期間，亦特別推出咗新極上和牛壽喜燒外賣套餐，即使係屋企都可以享受頂級和牛軟嫩肉質入口即融嘅個種口感！呢個套餐有分為日本和牛十年冠軍的西冷，或精選日本A5和牛肉眼，配上精緻嘅前菜、時令野菜拼盤同稻庭烏冬，再加上自家調製壽喜燒醬汁、日本雞蛋，同正宗壽喜燒根本無分別啊！

如果想堂食嘅朋友，亦可以試下佢地嘅Sukiyaki lunch set，都只係$238，用嘅仲係A3級和牛，有晒前菜、沙律、菜碗蒸、甜品等，依個價錢，咁嘅分量，都真係好抵呀，根本唔驚係動漫節Shopping完再食！再加上佢地店鋪嘅佈置係日式布置同埋榻榻米，和風味濃，係到食唔只係味蕾上嘅享受，仲係視角上嘅享受，即使疫情飛唔到去日本都可以照係香港體驗日本嘅生活~

精選餐廳：華小料理屋 Hana

地址：銅鑼灣登龍街1-29號金朝陽中心2期Midtown地下C舖

電話：28955677

小編今次推介嘅兩間餐廳，一間係食潮州菜同飲咖啡，而第二間就係食日本料理，總有一間可以貼合到大家嘅口味，祝大家係動漫展滿載而歸！

......................................................

🛎 現即登記為Soundwill Club會員，即獲積分50分 (高達$40,000消費總值)

💬 蹤最update優惠，立即訂閱 👉🏻https://cutt.ly/9zU2zOT

2021, Blue Mount, Hana 華小料理屋, Soundwill II Midtown, 優惠, 推介, 推廣, 銅鑼灣, 銅鑼灣好去處, 銅鑼灣美食, 餐飲

Related Posts