帖子詳細

4人限聚令何時了｜銅鑼灣好去處

由 LeeHenry
23 Nov 2021

4人限聚令何時了｜銅鑼灣好去處

唉......近兩日香港再次出現疫情，限聚令要完全解除，真係遙遙無期。想要約齊班朋友見面都真係好難，不過就算幾難都好，朋友都係要見嘅，即使係疫情期間都無阻一段真摯嘅友誼！雖然係咁大家都要繼續咁好好防疫，做好清潔，因爲萬一一個唔小心患咗肺炎，就真係無得再見朋友啦~ 所以除咗盡力做好每一個防疫嘅步驟，揀去邊間衛生環境好嘅餐廳食都需要一個謹慎嘅選擇，如果去咗間無做好防疫措施嘅餐廳就危險啦！咁無見過朋友，係間環境靚啲兼衛生啲嘅餐廳食飯、聚下，再加上有消費卷，絕對唔過分啊！所以小編就會為大家推介兩間餐廳比大家~ 約去銅鑼灣Midtown嘅Penthouse同三田製麵所就啱哂啦！

首先，第一間就係Penthouse，係一間高級西餐廳，仲有住2015米芝蓮推介餐廳嘅光環。依間餐廳擅低溫慢煮技巧，慢慢煮出食物嘅鮮味。餐廳為食客搜羅世界各地嘅美酒佳餚，選用最新鮮嘅食材，以獨特嘅烹調方法，配合優雅舒適的環境，為食客打造一個快樂用餐的新國度。其實Penthouse主打創意菜式，希望透過唔同嘅烹調方法，可以比到獨特嘅味道比食客品嘗，而有別於一般餐廳。除咗食物好味之外，餐廳嘅環境仲好闊落，高級嘅裝修仲有啲摩登時尚嘅感覺。食客仲可以透過落地大玻璃望到窗外維多利亞港兩岸嘅景色。為咗令私隱度上升，檯與檯之間有足夠嘅空間，咁大家就可以舒舒服服咁享受一餐咁高級嘅晚餐。

精選餐廳: Penthouse

地址:銅羅灣登龍街25-29 金朝陽中心2期Midtown地舗30樓

電話: 2970 0828

而第二間就係三田製麵所啦~ 去過日本嘅都唔會陌生，個陣係日本開到當街當巷嘅三田，竟然會係香港出現咗！咁耐無得去旅行嘅香港人絕對要去位於銅鑼灣Midtown嘅三田製麵所，懷緬一下去日本旅行嘅時光！！三田最吸引食客嘅地方就係佢地會定期推出一啲期間限定嘅麵，沾麵、拉麵都有。而三田依間餐廳比其他餐廳唔同，呢度嘅麵有大、中、細size，而且係同價添啊，細食啲嘅可以點中/小，大食啲嘅就可以食大，再大食啲可以加錢食特大，唔怕會唔夠飽~最近，三田推出咗全新濃香背脂大蒜拉麵，裏面嘅仲係增量厚切特製腩肉，腩肉嘅脂肪分佈拿捏得啱啱好，入口即溶嘅口感夾雜着清爽嘅蔬菜一齊食，口感都真係幾好架~~ 如果唔鍾意食腩肉嘅話，就可以試佢地最出名嘅鹽味鯛魚湯底，湯底嚴選鯛魚製作，湯底清澈不濁，飲落啖啖濃郁鮮魚香，鮮而唔腥，麵條軟硬適中，一啖湯一啖麵，一個字 —— 正！

精選餐廳: 三田製麵所

地址: 銅羅灣登龍街25-29 金朝陽中心2期Midtown地舗一樓

電話: 2886 0466

上面兩間都係唔同價位嘅極品餐廳，快啲約埋朋友黎試下啦~

2021, 銅鑼灣, 銅鑼灣好去處, 銅鑼灣美食

Related Posts