帖子詳細

睇尚氣，食好西！｜金朝陽中心｜Midtown｜銅鑼灣

由 LeeHenry
03 Sep 2021

睇尚氣，食好西！｜金朝陽中心｜Midtown｜銅鑼灣

大家知唔知黎緊9月2號將會上映《尚氣與十環傳奇》呢？依套劇係漫威首部華裔英雄電影，係由劉思慕、梁朝偉、奧卡菲娜等出名演員主演，依套戲係繼《復仇者聯盟4：終局之戰》事件之後續寫出黎，就係講尚氣捲入秘密嘅十環幫組織，被迫面對自己隱秘嘅過去經歷。《尚氣》作為漫威第一部華裔英雄電影，融入咗唔少中華文化元素，除咗大量功夫武打場面，係預告入面亦都可以見到獅子同龍好似神獸咁嘅姿態出現，一定會成為依套英雄電影嘅一大亮點。其實《尚氣》原本已經係2021年嘅2月上映，但係因為疫情問題而延遲咗至到9月先正式上映，真係等到一班Marvel影迷頸都長...... 而小編都唔例外啊~ 我諗一上映應該好多場都滿哂，如果唔想摸門釘就早啲買飛啦，但如果想即慶睇嘅話，不如就去銅鑼灣嘅戲院睇啦，因為銅鑼灣有成四間戲院，場次又密，而且四周圍有好多商場，交通又方便。最重要係近Midtown啊嘛，Midtown有咁多類型，唔同價位嘅美食，唔想諗咁多就黎金朝陽中心二期Midtown啦！

今次想推介比大家嘅第一間餐廳就係伽倻Kaya，佢係一間食地道、傳統韓國菜嘅餐廳，有好唔同種類嘅韓國食物比食客揀，就例如有：烤肉、熱鍋、湯飯...... 如果揀唔到食咩，又或者咩都好想試就可以點佢地嘅Set Courses，有多款唔同配搭嘅套餐。每個套餐食物嘅分量唔會太多、唔會太少，但食物嘅種類同配菜就好多，咁食客就可以試到多啲食物，依個諗法真係好細心~ 伽倻嘅午市套餐選擇多，除左原本嘅餐牌，夏天仲有夏日午市優惠餐牌，除咗有主食，仲包一個雪花冰或者咖啡，幫大家係咁熱嘅天氣下降降溫~ 而晚市通常就主打燒肉，想食韓式燒肉嘅朋友最好就睇完戲先黎伽倻食晚餐啦！除咗食物味道好之外，Kaya嘅坐位都好寬闊，擡與擡之間都有一定嘅距離，所以都有一定嘅私隱度，多人食嘅話仲可以book擡添，所以快啲約埋朋友、屋企人黎食啦！

精選餐廳：伽倻韓國餐廳

電話：28389550

地址：銅鑼灣登龍街1-29號金朝陽中心2期Midtown9樓

第二間想介紹嘅餐廳就係Penthouse啦，Penthouse係一間西餐廳，擅長以低溫慢煮技巧煮食，希望將食物原有嘅味道帶出黎。Penthouse仲係2015年至2017年連續3年拎過米芝蓮等我介紹下依間餐廳最出名，兼最多人推介嘅美食，第一碟就係佢地嘅Crab cake，蟹味濃郁再配上三款唔同嘅醬汁：清新嘅牛油果醬、濃郁嘅蛋黃醬、香甜嘅芒果沙沙醬，咁樣就可以食岀唔同滋味，雖然話有唔同醬料，但係就算配合埋調味香料食都唔會淹沒咗蟹肉原油嘅鮮味。而Penthouse都有一啲套餐可以比食客揀，同樣都係份量中等，但食物款式多，等客人可以試多啲唔同嘅高質素美食，有幾款前菜、湯、主菜同埋甜品，包大家食得滋滋味味。而係環境方面，Penthouse位於Midtown嘅頂樓，望到更遠嘅景色，可以飽覽到景色怡人嘅維港兩岸，一路食，一路望，再配合埋餐廳播嘅音樂，咩煩惱都即刻無晒。同樣餐廳裡面檯與檯之間都有一定嘅距離，咁客人坐都坐得舒服啲啦～

精選餐廳：Penthouse

電話：29700828

地址：銅鑼灣登龍街1-29號金朝陽中心2期Midtown30樓

希望上面嘅資料可以幫到大家啦～

.....................................................

🛎 登記為Soundwill Club會員，即獲積分50分(高達$40,000消費總值)

💬 獲最update優惠，立即訂閱 👉🏻https://cutt.ly/9zU2zOT

2021, Penthouse, Soundwill II Midtown, Soundwill Plaza, 伽倻韓國餐廳, 優惠, 分享, 心得, 銅鑼灣, 銅鑼灣好去處, 銅鑼灣美食

Related Posts