帖子詳細

銅鑼灣。搵食點！ | 銅鑼灣 | Midtown

由 LeeHenry
15 Sep 2021

銅鑼灣。搵食點！ | 銅鑼灣 | Midtown

講到要去銅鑼灣搵食，就一定要提到燈龍街呢條食街！每次一到lunch hour，燈龍街都企滿曬上班族等食。而最受歡迎都係個幾間以日式拉麵為主嘅餐廳，但係只有一間係用沾麵做主打美食，而依間就係三田製麵所啦~ 入去食過嘅客人，10個有9個都對佢地嘅拉麵贊不絕口。如果食日本菜或者日本料理，但又唔想食拉麵，咁可以點？就不如試下三田製麵所隔離嘅Hungry Monkey啦，佢係一間日式鐵板燒店，最近佢地仲好似有個好抵食嘅lunch set添！想食好西，又唔想行，最啱就係去燈龍街，距離銅鑼灣地鐵站就只有2分鐘，一定比秒速五厘米近啦~

首先第一位出場嘅係三田製麵所，聽個餐廳名就已經好有日本風。入到去餐廳入面，你見到嘅餐牌其實都係按照返日本傳統嘅用字，唔知大家知唔知「特盛」、「大盛」、「並盛」係咩意思呢？日本人出名細心就個個都知~ 日本人嘅心思直情細膩到連麵食份量都有幾個唔同嘅size俾食客揀？當你要選擇料理大細嘅時侯，而「盛」係指食物放入碗、容器裏面嘅份量：「特盛」等於XL，「大盛」等於L，而「並盛」嘅「並」意思係中等，姐係Ｍ，不論大盛定小盛，最重要係好食！而三田製麵所更分咗4種唔同嘅麵量，分別係小(250g)，中(350g)，大(450g)同特大(670g)，口感仲好煙韌，三田製麵所為咗配搭絕佳比例嘅湯底，所精製嘅小麥風味極粗麵條，係獨一無二嘅自家製極粗麵。湯底選用咗大量新鮮豬骨、雞骨、數種蔬菜，再加入大量魚介類材料，用強火12小時以上精心熬製，調製出濃香湯底。啱曬唔同食量同口味嘅人，無論係大人小朋友都一定揀到個適合自己嘅分量，不過大家唔好學大曬鬼咁樣眼闊肚窄啊！記住食得晒先好嗌，食唔晒就唔好亂咁嗌啊~

精選餐廳：三田製麵所

地址：銅羅灣登龍街25-29金朝陽中心2期地舖一樓

電話： 2567 8066

而第二位出場嘅係Hungry Monkey，而最受人歡迎嘅就係佢地嘅親民價Lunch Set，都只係$68起，之點解依個餐咁受大家喜愛，因爲依個餐包含咗主菜、麵豉湯、沙律、枝豆同炒飯！性價比真係好高㗎~ 主菜仲係有海鮮類可以揀。其中最受歡迎嘅就係「厚燒牛舌」，粒粒都好厚身，又好咬口，非常彈牙！如果唔想食佢地嘅lunch set嘅話就可以試下佢地獨創港式鐵板燒——「港島燒」，$128，價錢適中，當中嘅材料都係一啲具香港特色嘅食材，就例如芫荽、蝦米、肉鬆等等，將港日兩地嘅味道混集於一燒！個味道都真係好特別㗎，仲係即叫即燒，咁樣就確保大家可以食到食物嘅鮮味啦~

精選餐廳：Hungry Monkey

地址：銅鑼灣登龍街1號金朝陽中心二期地下B號舖

電話： 54089580 / 25780828

鍾情於日本菜嘅人就更加要嘗試一下以上兩間嘅餐廳啦，千祈唔好錯過啦~

......................................................

🛎 登記為Soundwill Club會員，即獲積分50分(高達$40,000消費總值)

💬 獲最update優惠，立即訂閱 👉🏻https://cutt.ly/9zU2zOT

2021, Hungry Monkey, Soundwill II Midtown, 三田製麵所, 優惠, 分享, 推介, 推廣, 銅鑼灣, 銅鑼灣好去處, 銅鑼灣美食

Related Posts