帖子詳細

感受傳統日式美味 | 銅鑼灣好去處 | Midtown

由 Henry Lee
01 Jun 2021

感受傳統日式美味 | 銅鑼灣好去處 | Midtown

最近朋友同我傾開食日本嘢，銅鑼灣多日本菜食肆就係人都知，但選擇困難症嘅佢叫我俾啲意見，叫同佢咁friends，唯有精選幾間俾佢知啦！

我知銅鑼灣時代廣場附近有幢大廈雲集大量日本菜，而且交通方便，由時代廣場行過去都只係需要4分鐘就到，啱曬唔識睇地圖嘅佢呀！Midtown正正位於銅鑼灣時代廣場後面，其中有幾間質素唔錯嘅餐廳好多人試過多話正！等我精選幾間等我朋友下次同我去食先.....

第一間要介紹嘅係Hungry Monkey，食開日本鐵板燒嘅你，應該除咗注重食物質素之外，廚師嘅表演都係一大賣點，而且最近佢哋走crossover路線，整咗個新菜式：泰式御好燒，師傅用香濃惹味泰式酸肉配合金不換嘅獨特香氣作為核心價值再用日式御好燒方式烹調，佢哋嘅酸肉、咖哩豆煙韌有嚼勁，椰菜香甜兩者配合得天衣無缝口感豐富，依家疫症去唔到旅行，唯有FF自己可以去下泰國同日本啦！

🌟 最新六月優惠：最新推廣碼有賞 | 送餐飲禮券

精選推介：Hungry Monkey
地址: 登龍街1及29 號金朝陽中心2期-Midtown G/F
電話: 5408 9580

跟住要介紹嘅係係Hungry Monkey 隔離嘅 Hana 華小料理屋。

食開Sukiyaki嘅你肯定係好講究呀，之前Hana 聯同 Soundwill Club 限定推出佐賀和牛+熊本豚肉盛宴 (4人前)套餐，俾你用超優惠價同親朋好友品嚐用正宗壽喜燒或涮涮鍋煮嘅日本佐賀牛及熊本豚肉。一個餐可以試曬兩種滋味，真係超正呀！

可能有啲人唔知來自九州嘅佐賀牛有幾勁，介紹返先：佢係日本最有名嘅和牛之一，比起其他和牛，佐賀牛肉質柔軟，肉味特別甘甜濃厚，而且油花分布均勻，食落冇一般和牛那樣油膩諗起都流口水啊！

而熊本豚肉就含有豐富天然營養同礦物質嘅海藻粉做飼料，肉質鮮嫩之餘仲帶有甜味，入口冇一般豬肉嘅臊味！所以咁優質嘅食材可以一次過係Hana 華小料理屋食到，真係好幸福呀！

🌟 最新六月優惠：Cheers Daddy | 父親節送你香檳

不過呢個優惠一推出就俾人搶完咗，連我都搶唔到呀！醒個小tips俾大家：記得用咗Soundwill Club 嘅會員，Download埋嗰app，然後捕實我哋嗰Facebook Page，最新資訊一手掌握！

精選推介：Hana 華小料理屋
地址: 登龍街1及29 號金朝陽中心2期-Midtown G/F
電話: 2895 5677

如果壽喜燒同鐵板燒都唔啱你的話，不如試下超有人氣嘅大戶屋！
日本家庭料理定食店大戶屋除咗價廉物美之外，仲有超多選擇俾你揀！減肥嘅女士想食light啲可以揀自家製嘅冷菜拼盤，想獎勵自己嘅可以揀個野菜炸雞配薯仔沙律，係罪惡嘅同時又可以兼顧健康；心大心細嘅你就可以揀佢哋嘅雙拼套餐，相信一定有一套啱你！

精選推介：大戶屋
https://www.facebook.com/Ootoya.HK
地址: 登龍街1及29 號金朝陽中心2期-Midtown 5樓
電話: 2573 8333

一口氣講完咁多間食肆，相信你肯定有啲頭緒等陣去邊到開餐啦！快啲約埋啲Friends嚟銅鑼灣時代廣場附近嘅Midtown 一齊過個精彩一天！

........................................................................................................................

羅素街Soundwill Plaza同埋登龍街Midtown(港鐵站銅鑼灣時代廣場A出口)，匯粹銅鑼灣美食、美容、休閒好去處，Soundwill Club會員更享泊車優惠及精選美食餐飲優惠、美容優惠等等*。

立即下載Soundwill Club App 或瀏覽 Soundwillclub.net (*以上優惠受條款約束，詳情參閱應用程式或網站)

2021, Hana 華小料理屋, Hungry Monkey, Soundwill II Midtown, 大戶屋, 推介, 銅鑼灣好去處, 銅鑼灣美食

Related Posts